Katas ng ‘Probinsyano’… Yassi nagpapatayo na ng bahay; Sandara naispatan ng fans sa Pinoy market sa Korea

Ni GERRRY OCAMPO

SA online media presscon ng Film Development Council of the Philippines (FDCP) last Friday ay pormal nang inihayag ni FDCP Chairwoman Liza Dino-Seguerra ang Pista ng Pelikulang Pilipino: Sama All  na magsisimula  sa October 31 hanggang  November 16.

Mapapanood ang mga magaganda at nailabas na rin sa ibang bansa ang  57 full length films at 78 short films  sa  FDCP Channel.

Sa  Selection section nila ay mapapanood ang 10  pelikula  na hindi  pa nailalabas  sa commercial  run. Kasama na rito ang pelikulang  obra ng National Artist for Film na si Kidlat Tahimik na Lakaran  ni  Kabunyan. Classic film ni Mike de Leon na Batch 81  at ang restored version na Brutal ni Direk Marilou Diaz-Abaya.

Mapapanood  din ang documentary  film na dinirek ni Joanna Bowers,  ang  Itoshi,  No Irene ni Keisuke Yoshida na nagkaroon ng International premiere  sa nakaraang 2018 Busan International Film Festival.

Bago  simulan ang  online presscon ay nanawagan si FDCP Chair Liza sa mga local producer na magkaisa para hindi tuluyang bumagsak ang Philippine Cinema.

Hindi  naitago ni Chairwoman Liza ang pangamba na puro foreign films na lang ang tangkilikin ng mga Pinoy at maitsapwera ang pelikulang Pinoy.

***

NAGPAPAGAWA  na rin  ng sariling  bahay si Yassi Pressman  at ito  nga  ay  kanyang  ipinost sa Instagram. Makikita  siyang pumunta sa construction  side na may caption na, “Under construction.”

Hindi  lang  nasabi  ni  Yassi  ang location ng ipinatatayong  bahay pero ang sigurado ay isang malaking tahanan ito para sa buong pamilya.

Nanghihinayang  lang ang mga fans ni Yassi na hindi na nakita ng ama  ng actress ang kanyang bahay dahil yumao na ito kamakailan.

Sure rin ang followers ni Yassi na super proud ang ama  nito dahil sa achievements na  natamo nito sa pag-aartista.

Nagbunga  rin ang hard work ni Yassi dahil isa-isa nang natutupad ang kanyang pangarap sa buhay.

Salamat sa pagkakasama niya sa longest series sa telebisyon, Ang Probinsiyano  na patuloy pa ring napapanood sa Kapamilya  channel.

Teka, sino na ba ngayon ang nagpapatibok ng  puso ni  Yassi?

Ang sweetness nila ni Coco Martin ay sa Probinsyano lang  bilang mag-asawa. Off camera ay may kanya-kanya na silang pinagtutuunan ng pansin at pagmamahal.

***

KAHIT  na siguro anong mangyari ay hindi na makalilimutan  ni Sandara  Park  ang Pilipinas  at ang mga pagkaing Pinoy. Katunayan ay nakita si Sandara  na namimili  sa isang Filipino market sa South Korea.

Kahit na naka-mask at nakasumbrero ang actress ay hindi pa rin siya  nakaligtas  sa mga mata ng Pinoy doon.

Nagsilapit sa  kanya ang mga ito para magpakuha ng larawan. Sa dami ay halos hindi na nakakain si Sandara  para mapabigyan  lang ang kanyang Pinoy fans na gustong  makipag-selfie  sa kanya.

Hindi pa rin nagbabago si Sandara, very humble  at accommodating  pa rin.

Sa mga gustong makapanood  ng pagpunta ni Sandara sa Pinoy market, magpunta lang sa kanyang YouTube channel  na DARA  TV. Ipinost  din ni Sandara ang mga larawan niya sa kanyang Instagram account.