SK chair, 1 pa timbog sa P.1m shabu

Naaresto ang isang Sangguniang Kabataan (SK) chairperson at ang kasama nitong si “Baki” sa isang drug buy-bust operation sa Butuan City noong Huwebes, Abril 24, 2025.

Kinilala ang naaresto na sina alyas “Kenth,” 21, SK chairperson; at alyas “Baki,” 34,

Nakumpiska ng Butuan City Police ang 25 gramo ng shabu na nagkakahalaga ng PHP170,000.

Sa report, nakalista bilang high-value individuals sa local drug watchlist sina Kenth at Baki.

Binanggit ng BCPO na ang batas ay pantay-pantay para sa lahat, anuman ang kanilang posisyon sa komunidad, at nanawagan sila ng suporta mula sa mga residente laban sa iligal na droga. (Boy Celario)