QC Dist. 5 Rep. PM Vargas kinasuhan ng vote-buying at acts of lasciviousness

Nahaharap si Quezon City Fifth District Representative Patrick Michael “PM” Vargas ng mga kasong inihain sa magkakahiwalay sa Quezon City Prosecutor’s Office sa di-umano’y pagbili ng boto at sa kasong acts of lasciviousness.

Ayon sa ulat, na dalawang residente mula sa distrito ni Vargas ang nagsampa ng pormal na mga reklamo na sinasabing nilabag ng kongresista ang mga probisyon ng Omnibus Election Code at Commission on Elections (COMELEC) Resolution No. 11104.

Iginiit ng mga nagrereklamo na nakatanggap sila ng text message noong unang bahagi ng Abril mula sa isang indibidwal na sinasabing kaanib ng Department of Social Welfare and Development (DSWD), na nag-iimbita sa kanila sa isang event para sa Ayuda para sa Kapos ang Kita Program (AKAP).

Pagdating nila sa venue, inalis umano silang dalawa sa listahan ng mga benepisyaryo nang paghinalaang hindi sila sumusuporta kay Vargas. Iginiit pa nila na piling ipinamamahagi doo. ang tulong pinansyal upang siguruhin ang katapatan sa politika.

Bilang ebidensya, nagsumite ang mga nagrereklamo ng isang video na sinasabing nagpapakita ng pera na ipinamimigay sa mga dumalo, na may halagang umabot sa P3,000.

Sa kanilang sinumpaang salaysay, binigyang-diin ng mga indibidwal na hindi sila kaanib sa sinumang kalaban sa pulitika ni Vargas, at sinabing lumapit sila nang masaksihan ang kanilang inilarawan bilang “flagrant vote-buying” sa panahon ng aid event.

Sa isang hiwalay na reklamo, inakusahan ng isang babae si Vargas ng acts of lasciviousness na nagmula sa isang insidente noong huling bahagi ng Pebrero.

Sinabi ng babae na inimbitahan siyang makipagkita sa kongresista sa impresyon na para ito sa isang opisyal na pakikipagpulong.

Gayunpaman, nang pumasok siya sa sasakyan ni Vargas, naging mabilis ang meeting na umabot ang insidente sa sexual harassment.

Hindi ibinunyag ang pagkakakilanlan ng babaeng nagrereklamo para sa

security reasons.

Sinabi nito na sa una, nag-alinlangan siyang lumapit dahil sa takot na paghiganti siya ngunit kalaunan itinuloy nito ang legal na aksyon, para panagutin ang mga pampublikong opisyal anuman ang katayuan nila sa buhay.