Juday kinukunsiderang sina Charito at Nida ang pinakamahuhusay na aktres sa movie industry

NI ROMMEL PLACENTE

NANG sumalang si Judy Ann Santos sa segment na Fast Talk ng showbiz oriented talk show na Fast Talk With Boy Abunda, isa sa naitanong sa kanya kung sino ang pinakamagandang artista para sa kanya, ang naging sagot niya ay si Kristine Hermosa. (Same, si Kristine rin sa akin-ed)

O di ba, bongga ang misis ni Oyo Boy Sotto dahil sa rami ng magagandang aktres sa showbiz ay siya ang binanggit ni Juday na pinakamagandang artista.

Siguradong maraming mamba-bash kay Juday at sasabihin nila na mmarami pang artistang mas maganda kay Kristine.at magbabanggit pa sila ng mga pangalan.

Pero irespeto na lang nila dapat si Juday, kung para sa kanya ay si Kristine ang pinakamaganda, di ba? Choice niya si Kristine, wala tayong magagawa.

In fairness naman kay Kristine, nakita na namin siya ng personal noong aktibo pa siya sa showbiz at talaga namang maganda siya.

Sa tanong naman kung sino ang pinakamagaling na artista para sa kanya, ang sagot niya ay ang parehong sumakabilang buhay na, sina Charito Solis at Nida Blanca.