Cool Smashers humugot ng 2 imports

HUMUGOT ang Creamline Cool Smashers ng dalawang import upang patibayin ang kanilang kampanya para sa parating na AVC Women’s Champions League na magsimula sa Abril 20 hanggang 27 sa PhilSports Arena.

Wala pang anunsyo mula sa PVL All-Filipino Conference runner-up Creamline habang sinusulat ito pero ayon sa multiple reports nakasaad na sina Kolomoyets at Kudrayashova ang kokumpleto sa tatlong reinforcements ng Cool Smashers.

Ang Kazakh Kolomoyets at Russian Kudrayashova ay makipagsabwatan kay American Erica Staunton, na naging import ng Creamline sa PVL Reinforced and Invitational tournaments nakaraang taon.

Nitong Lunes ang 5-foot-10 Kolomoyets, ay nag repost sa instagram na siya ay nakatakda na mag reinforce sa Creamline sa AVC.

Ang 34-year-old ay naglaro para sa Kazakh clubs Turan Turkistan, Almaty, at Altay.

Samantala, si Kudrayashova na 6-foot-3 outside hitter ay naglaro sa college volleyball sa United States sa Rutgers University at Penn State.

Ang 25-year-old ay dating naglaro sa Bosnia at Herzegovina club UOK Banja Luka at Kazakh team Almaty bago nakipag-teamup kay Kolomoyets at Kuanysh sa Kazakhstan League 2024-2025 season.