STOP na si GO ‘25

Walang pigura ang nakaraan ng balalay ni Totoy Oblo hangang malilo ng Mangmang ng kaTimugan ang maraming bobotante sa tindig na bruskong bastos. Naibigan ng marami banggit na tindig, hinangaan at hinalal hangang marating ang puno ng Balite ng Malacanan. Sa pag-upo ng haring bastos, isinangkalan ng balalay na tulisan ang baba upang iparamdam sa maraming pulitiko maging sa bayan ang lapit sa haring bastos. Nakilala at unti-unting napansin ang maaskad na pagmumukha mula sa kadalasang paglabas ng haring bastos sa mga panayam. Sa mga panayam sa haring bastos, silip na madalas kasama ang hinihingi ng kailangan ng haring bastos. At sa isang panayam ng isang tagapag-ulat mula sa isang pahayagan, narinig ang pangalang Bong na nag-abot kay Totoy Oblo ng papel na nagpaliwanag sa usapin sa isang pagkakataon.

Ang pagkakausal ng ngalan ng isang Bong, luminaw na ito ang Special Assistant ng pangulo o ang balalay na tuwiran ang serbisyo sa haring bastos sa opisyal ‘di opisyal na galaw. Ang kalapitan ang sinamantala ni Bong at nagsimulang magpakilala o makilala ng maraming opisyal ng pamahalaan na kailangang maging malapit sa SAP ng makalapit sa haring bastos. At nang nagawang maipakita ang lapit at lakas kay Totoy Osla, maraming opisyal ng pamahalaan ang sumasaludo na nag-aabot ng kung anu-ano upang ipaabot ang kahilingan sa haring bastos. Ang pagiging malapit sa isang Bong ang susi sa nakaraang pamahalaan na makapagpasok ng mga negosyo sa pamahalaan, legal o ilegal. At matitiyak na alang problemang haharapin sa takbo ng negosyong ipapasok sa gobyerno.

Tumakbo ang panahon at ang dating walang pigurang balalay’ nagsimula ng makilala at ang lapitan ng marami nang makapagpasok ng ibig sa pamahalaan. Lumayo ng lumayo ang abot ng pigurang maaskad hangang tumaas ang ambisyon at ibig maging senador o pangulo ng bansa. Dahil sa impluwensyang naitanim sa pamahalaan nariyan ang maraming usaping malalim na ‘di batid ng madla ang napasukan ng balalay ng haring bastos higit ang mga patayan sa bigong programa ng laban sa droga. Ang ngalang Bong ang taga pagbigay ng pabuya sa mga pulis na tuwirang kasama sa operasyon hingil sa bigong laban sa droga. Ang pagbibigay ng pabuya ang tuwirang gawain ni Bong na bentahe upang saluduhan ng maraming opisyal o ‘di opisyal ng pulis at kasundaluhan. At ang naging daan upang ang maraming opisyal ng LGUs ang lumalapit ng mapondohan ang sari-sariling proyekto kuno sa kanilang bayan.

Lumawak ng lumawak ang impluwensya ng Bong at nagpatuloy ang pamamayagpag at sinimulan ang pagnanais na maging halal ng bayan. Ginamit ang isang GFI at inilunsad ang programang Malasakit na behikulo para sa ambisyong mahalal. Lumalim ang ambisyon at ibig tumira sa puno ng Balite ng Malacanan subalit sagka sa ambisyon ang anak ng haring bastos na may ngalang Mary Grace Piattos. Walang nagawa kundi ang tumalima sa ibig ng haring bastos ngunit silip ang panghihinayang maging ng mga kalahing tsekwa na dala sa bansa ang ‘di mawaring negosyo mula sa ‘di natapos na mga proyekto, sugalan at tagong bawal na gamot. Ang nakakatuwa, hindi nawala ang husay sa pagiging balalay hangang sa huling araw ng haring bastos sa bansa bago ihatid sa IwaHague. Ibig ipasok ang pizza sa among kurakot ngunit nabigo na makumbinsi ang mga bantay na sumusunod sa utos mula nakakataas.

Sa totoo lang, mahiwaga ang Bong na nagmula sa wala heto’t pinag-uusapan at tampulan ng mga pahayag. Ang malabong nakaraan ang intrigang ibig mabatid bakit napakabilis ang pag-akyat sa pedestal dahil sa pagiging malapit sa dating haring bastos. Subalit, hindi maalis sa isip kung bakit ganun ang lapit ng maraming Tsekwa na sumugal upang maging lider ng bansa ang balalay ng haring bastos. Ano ang meron o wala sa mama na tunay na malapit sa mga dayuhang ibig kumamkam ng ating karagatan. O’ ibig maging isang isla ang bansa na bahagi ng isang malaking Tsina sa ilalim ng liderato ng isang kalahi. Ang madilim na kahapon at ang malinaw na layon sa hinaharap ni stop n Go ang dapat ipasok sa isip ng bawat manghahalal na ‘di ibig ang mawala ang kasarinlan ng bansa. Madilim ang nakaraan at malinaw ang pakay na ‘di para sa bayan sa halip sa among singkit na laway na laway sa bansa ni Mang Juan. Mag-isip isip Mang Juan.

Naniniwala na ang madilim na nakaraan at ang paggamit sa pwestong nakamtan sa nakaraan maging sa kasalukuyan ang tamang dahilan upang iwaksi ang suporta sa isang kandidato na ‘di malinaw ang layon para sa bayan. Ang malamyang tindig ng pamahalaan sa nakaraan hinggil sa pagkamkam ng mga dayuhan sa karagatang pag-aari ng Pinas ang dahilan na ‘di dapat mahalal sa anumang pwestong asam ang isang Bong. At dapat o kailangan patigilin na sa pagiging senador sa darating na halalan. Walang nakitang malasakit sa bayan ang balalay ng haring bastos bagkus silip ang giya na mabaling sa kapwa tsekwa higit madulas ang hawak sa kaperahan.

Karagdagan bayan, sinsinin ang kalidad ng mga naghahangad ng pwesto sa halalan ng matiyak ng bayan ang mataas na uri ng serbisyong ibibigay. Marami ang nag-aasam sa pwestong halal sa pamahalaan ang ‘di dapat mahalal na ginagamit ang kasikatan para sa maalwang buhay sa hinaharap. Matagal ng naghihirap si Mang Juan at hinog na ang panahon na mag-isip at mag-suri sa mga taong lumalapit upang magpahalal. Marami sa mga nag-aasam na dala ang panandaliang ayuda na higit na malaki ang pakinabang kaysa binibigyan. Lason ang dalang ayuda ng bawat napapahalal na taliwas sa ibig at ipinamamalas. Sumunod sa pakiwari ng kalooban at malamang na tama ang pasyang gagawin para sa sarili at sa bayan. Iwaksi ang maaskad na mukhang ‘di mapagkakatiwalaan ng ‘di magsisi sa huli.

Stop na si Go ngayong ’25, upang matiyak na wala ang bakas ng Tsekwa na mapanlilo na banta sa kinabukasan ng bayan. Ang tindig na para sa Pinas ang kailangan at kapakanan ng Pinoy ang unahin at tadyakan o sipain ang sino mang nagtatangka sa katahimikan ng bansa, tulad ng kaTimugan. Alisin sa larangan ng politika mula Luzon, Visayas at Mindanao ang mga politikong una ang sarili at ‘di ang bayan higit ang usapin ng ating bayan. Iwaksi ang mga survey na gamit sa panlililo ng maraming Pinoy. Stop na si Go sa ’25, at ang mga tulad nitong politiko.

Maraming Salamat po!!!!