Titser kulong sa pamemeke ng dokumento

Arestado ang isang babaeng guro sa kinahaharap nitong kaso sa korte na 19 counts of Falsification of Public Documents sa bayan ng San Fabian, Pangasinan.

Sa ulat, 5:30 ng hapon nitong Huwebes (April 3) nang arestuhin ng mga tauhan ng San Fabian Municipal Police Station ang akusado.

Ayon sa mga awtoridad, residente ng naturang bayan ang 28-anyos na akusado.

Inaresto ang akusado sa bisa ng warrant of arrest.

Nagtakda ang korte ng P72,000 ang kabuuang piyansa para sa akusado habang dinidinig ang kanyang kaso.