3 paslit nalitson sa sunog

Nasawi ang tatlong bata sa sunog na sumiklab sa Barangay Mambaling, Cebu City nitong Sabado ng umaga, Marso 29.

Kinilala ang mga nasawi na sina Sachna Lexy Siaboc, 6; Razan Kyle Siaboc, 3; at Athena Lexy Siaboc, 3.

Sa report, natagpuan sa loob ng kanilang kwarto sa ikalawang palapag ng kanilang bahay ang mga biktima.

Batay sa inisyal na imbestigasyon, sinubukan ng ina ng biktima na si Ynica Marie Siaboc na iligtas ang kanyang mga anak ngunit nahirapan na ito sa lakas ng apoy.

Nasa 20 tirahan ang natupok ng apoy.

Inaalam pa ang sanhi ng sunog at ang halaga ng pinsala.