Regal Entertainment Pres/CEO Ma’am Roselle Monteverde Proud Sa FranSeth, Movie Na Untold Ipalalabas Na; Asia’s King Of Talk Boy Abunda Wagi Ng 4 Na Awards Sa 38th PMPC Star Awards For TV

Ni Peter S. Ledesma

SO very-very proud at puring-puri ni Ma’am beautiful Roselle Monteverde ang FranSeth loveteam na sina Francine Diaz at Seth Fedelin. Hinahangaan nito ang dedikasyon ng dalawa pagdating sa kanilang mga career.

“So proud of #FranSeth for their incredible talent! It’s always a pleasure working with them-genuine always, always smiling, and truly dedicated to their craft (with smiley emoji).” Post pa ni Ma’am Roselle sa kanyang social media account sa admiration niya sa mga bida ng produced nilang MMFF 2024 movie na “My Future You” ng anak na si Sir Keith Monteverde.

By the way, pareho palang nakasama ni Ma’am Roselle sina Francine at Seth sa Los Angeles, Hollywood, California para sa MIFF 2025 na ipinalabas doon ang My Future You. Naging winner pa ng Best Actor si Seth at Best Director naman para kay Crisanto B. Aquino na director ng My Future You. Naging 3rd Best Picture sa MMFF ang My Future You, at nagwagi ring Best Director sa Gabi ng Parangal si Direk Crisanto.

Breakthrough Artists din para sa FranSeth. Ipalalabas na rin pala nationwide ngayong April 30 ang overload sa katatakutan na “UNTOLD” ni Jodi Sta. Maria na dinirek ni Derick Cabrido na director ng Mallari ni Piolo Pascual. Happy sina Ma’am Roselle at Sir Keith dahil as of presstime ay naka 4 million views (still counting) na ang official trailer ng produced nilang Untold!

Yung “Guilty Pleasure” naman na pinagbibidahan nina Lovi Poe, Jameson Blake, at JM De Guzman ay number one movie agad sa NETFLIX at pasok ito sa Top 10 Movies In the Philippines at nasa week 3 na ito.

“Huge congrats to the team behind.” Congratulatory message pa ni Ma’am Roselle sa buong cast ng Guilty Pleasure at director nito na si Direk Connie Macatuno.

***

SUNUD-sunod ang mga Parangal na iginagawad para sa ating Nag-iisang “Asia’s King of Talk” na si Kuya Boy Abunda. After manalo ng international awards ni Kuya Boy bilang isa sa TOP TV HOST sa SouthEast Asia Awards 2024 sa Kuala Lumpur, Malaysia. At bilang “Best Celebrity Talk Show Host” naman for his Fast Talk With Boy Abunda sa Tag Media Awards 2024 sa Chicago. Ipinagkaloob naman last March 24, 2025 ng 38th PMPC Star Awards for Television kay Kuya Boy ang dalawang tropeo bilang “Best Celebrity Talk Show” at “Best Celebrity Talk Show Host” para sa kanyang once a month special show na MY MOTHER, MY STORY. At dalawa sa mga naging special guests ni Kuya Boy ay sina AiAi Delas Alas at Andi Eigenmann. Nasa Hong Kong for a work pala noong Awards Night sa Dolphy Theater ang sikat na host at product endorser (Kuya Boy) kaya nagpaabot na lang ito ng kanyang pasasalamat sa awards na ibinigay sa kanya at sa lahat ng bumubuo ng Philippine Movie Press Club (PMPC).

May dalawa ring parangal na napalunanan ang “CAYETANO IN ACTION With Boy Abunda” sa Star Awards for TV. Sila ang waging BEST PUBLIC AFFAIRS PROGRAM at BEST PUBLIC AFFAIRS PROGRAM HOSTS for Kuya Boy, Ate Senator Pia Cayetano at Kuya Senator Alan Peter Cayetano.

Mapapanood sila nang Live every Sunday at 11 PM sa GMA 7 at may Replays sa GTV 11 tuwing Sabado, 10:30 ng gabi. Nasa 66,000 na ang followers ng Cayetano In Action With BA sa kanilang Official FB Page at mapapakinggan din sina Kuya Boy at Sen. Alan Peter sa programa nilang ito sa DZBB 594Khz sa AM Band.