Nadal pinuri si Eala matapos ang panalo laban kay Swiatek

PINURI ni Tennis star Rafael Nadal si Alex Eala matapos ang kanyang kahanga- hanga na panalo sa quarterfinal laban sa World No.2 Iga Swiatek sa Miami Open Huwebes.

“We are extremely proud of you, Alex. What an incredible tournament! Let’s keep dreaming!” Wika ni Nadal sa kanyang X platform.

Muli niyang pinost ang post ng kanyang academy, kung saan nag training si Eala, at ipinakita ang kanyang 2-set victory laban kay Swiatek.

Nagalak naman ang uncle ni Eala na si dating Philippine Sports Commission (PSC) chairman Noli Eala.

“We believe! Vamos Alex!” nakasulat sa kanyang social media.

Samantala, sinabi mismo ni Eala sa interview ng Women’s Tennis Association (WTA), na ang laban na ito ay habang buhay sa kanyang puso.

“My coach told me to run, to go for every ball, take all the opportunities I can, because a five-time Grand Slam champion is not going to give you the win,” anya.

Tinalo ni Eala si Swiatek sa quarterfinals ng Miami Open sa two sets,, 6-2, 7-5, para umabante sa semifinals laban sa World No.4 Jessica Pegula.