Arca dinomina ang rapid at blitz chess sa Batangas

DINOMINA ni FIDE Master Christian Gian Karlo Arca ang blitz at rapid categories ng premier Under-18 Open division ng National Age Group Chess Championship sa FPJ Arena sa San Jose, Batangas.

Ang 16-year-old mula Panabo,Davao del Norte ay winalis ang parehong categories at nagkasya sa second place sa standard event.

Dahil sa kanyang kambal na panalo, Kakatawanin ni Arca ang bansa sa Asian Youth Chess Championships na nakatakda sa Nobyembre 20 hanggang 30 sa Bangkok, Thailand.

Iba pang nagwagi ay sina Jersey Marticio (U18 girls rapid at blitz), Khana Kathrine Ventolero (U12 girls rapid at blitz), Sebastian Damonsong (U12 boys rapid) at Roel Pagatpatan (U12 boys blitz).

Pupunta rin sa Thailand sina Rouelle Canino at April Joy Claros, na sasabak sa U18 Open standard category.

Ang National Age Group ay suportado ng Philippine Sports Commission, at ng National Chess Federation of the Philippines.