PUBLIC OFFICIALS CHILDREN PINAGPAPALA NG PSC?

WOWWW.., suwerte naman ng mga anak ng ilang PUBLIC OFFICIALS dahil pinagpapala at naisasama sa FOREIGN TRIPS ng PHILIPPINE SPORTS COMMISSION (PSC) sa tuwing may mga palaro o event sa mga ibang bansa na libre ang lahat ng expenses gayong hindi naman kawani o opisyal ng PSC ang kanilang mga magulang.

Sa timbre ng ARYA BEES mula sa PSC ay hindi lamang daw bayad sa PLANE TICKET kundi maging sa boarding at food expenses ay nakapaloob sa bayarin ng PSC kahit ang anak o mga PUBLIC OFFICIALS CHILDREN ay walang legal personality para irepresenta ang nasabing ahensiya.., hehehe e baka pati gastusin sa pamamasyal ng mga batang pinagpala e libre lahat.., kasuwerteng prebelihiyo naman at the expense of government funds!

Ang sistemang yan e oks na oks lang daw kay PSC CHAIRMAN RICHARD BACHMAN.., na ang liderato umano nito ay pigura ng PAMBUBUDOL o mga FAKE DOCUMENTS para maikarga ang mga personal expenses sa PSC EXPENSES.

Teka.., hindi kaya paninira lang ito sa liderato ni PSC CHAIRMAN BACHMAN dahil maraming SPORTS WRITER o REPORTERS mula sa iba’t ibang MEDIA OUTLETS e hindi man lang ba napapansin ang nagaganap na katiwalian? Pero, may ipinakita sa akin na mga dokumentong katiwalian na bukod sa prebelihiyo ng ilang PSC OFFICIALS at NON-PSC EMPLOYEES CHILDREN e marami umanong mga pang-aabuso kaya hindi na raw nakatiis ang ilang PSC EMPLOYEES.., so, naghain na ang mga ito ng kaso sa OFFICE OF THE OMBUDSMAN laban sa kanilang CHAIRMAN BACHMAN.

Ang mga kasong inihain ay ABUSE OF AUTHORITY, FALSIFICATION OF PUBLIC DOCUMENTS BY PUBLIC INDIVIDUALS, COERCION, GRAVE MISCONDUCT at GRAFT.., na ang labis umanong ikinagalit ng mga kawani ay walang habas daw kung pagmumurahin sila ng kanilang CHAIRMAN.

Isang matinding sistema umano ay ang hindi kinikilala ang CONTRACTOR na nanalo sa BIDDING dahil hindi kaibigan ni CHAIRMAN BACHMAN ang nanalo.., na mayroong 2 BIDS AND AWARDS COMMITTEE MEMBERS ang pinalitan gayong hindi pa natatapos ng mga ito ang mandatory one-year guaranteed tenure.., at hindi rin umano nito kinikilala ang CONTRACT WITH A CONSULTANT na ang serbisyo ay nakabatay naman sa BOARD RESOLUTION tulad ng consultancy fees mula January to June 2024 ay hindi pa rin pinoproseso.., kasi nga ay ayaw daw lagdaan nito ang kontrata?

May isang empleyadang nagngangalang MAE RAZO ang itinalaga ni CHAIRMAN BACHMAN para maging SPECIAL DISBURSING OFFICER para ito ang manghawak sa pondo ng PARIS PARALYMPICS.., gayung itong naitalaga ay may malaking halaga ng pera ang hindi pa niya naliliquidate umano sa naging expenses ng BATANG PINOY 2023 at ang ganitong uri ng pagkakatalaga ay malaking peligro para sa PSC.

Ang CHIEF OF STAFF ni CHAIRMAN BACHMAN ay hindi pa rin daw nakukumpleto nito ang LIQUIDATION OF FUNDS na nagkakahalaga ng P1.2 milyon na ang P725,700 mula sa nabanggit na pondo ay galing sa WORLD COMBAT GAMES na ginanap pa noong October 2023.., maliban diyan ay may 3 iba pang UNLIQUIDATED ADVANCES sa kabuuang halaga na P473,307 na lagpas na sa 30-day guidelines para sa pagli-liquidate.

Kinukunsinti raw ni BACHMAN ang mga isyu sa OVERDUE UNLIQUIDATED FUNDS sa paraang kino-convert ang nakonsumong pondo sa ATHLETE’S ALLOWANCES tulad sa meals, luggage at training uniforms.., na ayon sa ilang employee ay bakit taon ang lumipas sa explaination at pagsusumite ng mga dokumentong kuwestiyonable pa rin na pinahihintulutan naman ng ilang SENIOR PSC OFFICIALS.

Matinding raket daw ay ang pagpapalsipika sa ilang OFFICIAL DOCUMENT sa pamamagitan ng tampering/erasing portion of the letter para mapalabas na walang free accomodation at pagkain na kailangang ma-refund ang gastos mula sa pondo ng PSC.., wow na wowww!

Ang ilang GOVERNMENT OFFICIALS natin ay puspusan ang pangangampanya laban sa KATIWALIAN lalo na sa CORRUPTIONS.., e hindi ba kaisa rito si CHAIRMAN BACHMAN sa pagpapaimplementa ng CLEAN GOVERNANCE? Anyway.., ang GRIEVANCES ng ilang PSC EMPLOYEES ay isinumite na nila sa OMBUDSMAN, kaya ang lahat ng akusasyon laban kay BACHMAN ay masasagot at madedepensahan nito.., na ang paghatol ay nasa pagpapasiya ng OMBUDSMAN kung may mga KATIWALIAN at CORRUPTIONS nga ba sa PSC mula sa mga ebidensiyang mailalahad sa mga magiging paglilitis!

***

Kung may reaksiyon lalo na sa mga nakakanti ng ating kolum ay maaari po kayong mag-email sa corpuzirwin074@gmail.com para sa inyo pong mga panig.