Kamara ipapaubaya sa OSG pagsagot sa petisyon ni VP Sara sa SC

IPINAPAUBAYA ng Kamara sa Office of the Solicitor General (OSG) ang pagsagot sa petisyon ni Vice President Sara Duterte sa Supreme Court laban sa kinakaharap niyang impeachment complaint.

Pahayag ito ni House Secretary General Reginald Velasco makaraang iutos ng Supreme Court sa Senado at Kamara na magkomento sa petisyon ni VP Duterte na ipawalang bisa ang ikaapat na impeachment complaint na inihain sa kaniya.

Ayon kay Velasco, nai-refer na ito ng Kamara sa OSG.

Paliwanag ni Velasco, ang Solicitor General ang tumatayong counsel ng House of Representatives sa impeachment case laban sa bise presidente.