8 nasawi sa sunog sa QC
Advertisers
Umakyat sa walo ang bilang ng nasawi sa sunog sa isang bahay sa bahagi ng Desi Nueve de Agosto Street, Barangay San Isidro, Galas, Quezon City.
Batay ito sa impormasyon na ibinahagi ng Bureau and Fire Protection(BFP) matapos ang imbestigasyon sa isinagawa ng mga imbestigador.
Kabilang naman sa 8 nasawi ay ang dalawang taong gulang na lalaki; 3 pang lalaki kabilang ang labing dalawang taon at 4 na babae kung saan isa rito ay labinlimang taong gulang.
Isang 36 years old naman ang naitalang sugatan sa kaliwang bahagi ng kanyang sarili.
Ayon sa BFP, unang nakita ang dalawang bangkay sa unang palapag ng bahay habang dalawa pa ang nadiskubre sa ikalawang palapag.
Sumiklab ang sunog 2:00 ng madaling araw nitong Huwebes, na agad umakyat sa unang alarma, bago naapula mag-aalas-3:00 ng madaling araw.
Sa ngayon, mayroon pa umanong mga hinahanap o nawawala dahil sa nangyaring sunog.
Inaalam pa ng BFP ang pagkakakilanlan ng mga biktima.
Nailabas na naman sa ngayon ang mga labi ng mga biktima ng sunog upang dalhin sa punerarya.
Patuloy naman ang ginagawang imbestigasyon ng Quezon City BFP sa sunog. (Almar Dangilan)
