3 paslit nalitson ng buhay sa sunog

NASAWI ang tatlong batang magkakapatid sa sunog na sumiklab sa kanilang bahay sa Barangay Magallanes, Pangasinan, Martes ng umaga, Pebrero 25.

Kinilala ang mga biktima na sina Jeniel, 6 anyos; James, 4; at Jennila, 3.

Ayon sa pulisya, iniwan sila ng kanilang ama na si Raymart at isinara ang bahay habang nagtsa-charge ng cellphone sa bahay ng kapitbahay.

Pagbalik ni Raymart 9:45 ng umaga, dinatnan niyang nilalamon na ng apoy ang kanilang bahay.

Na-trap ang mga bata at nang ma-rescue ng mga bumbero, idineklarang patay ang mga ito sa Municipal Health Unit dahil sa suffocation.

Idineklara ng Bureau of Fire Protection na fire out ang sunog 10:10 ng umaga.