Gr. 10 hinampas ng hollow block sa mukha

Sugatan ang isang Grade 10 na estudyante nang hampasin sa mukha ng 16-anyos na binatilyo gamit ang piraso ng hollow block sa Davao City.

Nangyari ang insidente noong Biyernes sa harap ng isang karinderya sa Barangay Crossing Bayabas, Toril district, na nakuhanan sa cellphone video.

Sinubukan pa ng suspek na muling hampasin ang biktima pero mabilis itong tumakas nang habulin ng mga kasamahan ng estudyante.

Ayon sa pulisya, nagtamo ng sugat sa kilay ang biktima. Patuloy ang imbestigasyon ng mga awtoridad.