Cashless toll collection sa expressways ‘di na tuloy

INANUNSYO ni bagong Transportation Secretary Vince Dizon na hindi na tuloy ang nakatakdang implementasyon ng full cashless toll collection sa expressways na magsisimula sana sa March 15.

Ayon kay Dizon, nagbigay na siya ng kautusan sa Toll Regulatory Board para suspindehin ito.

Para kay Dizon hindi pa napapanahong maipatupad ang full cashless toll collection.

Nakita naman anya kung paanong nagkabuhol-buhol ang mga saskayan noong unang sinubukang ipatupad ito.

Inihayag ng kalihim na kakusapin niya muna ang toll operators ng NLEX at SLEX at titingnan kung episyente na ang kanilang sistema.