Jodi ibinalita, magpapahinga muna sa showbiz

Ni Jimi C. Escala

KAMAKAILAN lang ay ibinalita mismo ng Kapamilya aktres na si Jodi Sta. Maria ang pansamantala niyang pamamahinga sa showbiz.
Ito ay sa kadahilanang nais ni Jodi na maipagpatuloy ang pag-aaral at matapos ang kanyang master’s degree sa clinical psychology.

Ipinagmamaki siyempre ngayon ni Jodi ang kanyang ang bagong milestone sa buhay.

Sa isang Instagram post ng magaling na aktres ay binanggit niyang nagkaroon siya ng pagkakataon na makapag-present ng papel sa isang research conference.

“Yesterday, I had the privilege of presenting my research paper, The Impact of the NADA Protocol (Ear Acudetox) on the Anxiety Level of People Working in Television Production at the Consortium of the South International Faculty Research Conference,” sabi pa ng aktres.

“Hindi ko inakala na mangyayari ito ever sa buhay ko! It felt nerve-wracking but so fulfilling to share my study esp since it is something close to my heart. I had an amazing time learning and interacting with the other presenters too,” pahabol pang sambit ni Jodi.

Nagpapasalamat pa rin at super grateful si Jodi sa opportunity na naibigay
sa bawat isang sumuporta sa kanya.

Pero naniniwala ang mga supporters ni Jodi na anytime raw ay makakagawa pa rin ng isang proyektong pagkakaabalahan ang aktres aside from pagiging abala sa papasukin niyang pakikipagsapalaran after makapagtapos ng pag aaral, huh
***
ALL-FEMALE GROUP ELEVEN 11 PINAKILALA NA NG MENTORQUE
VERY proud at ganun na lang ang sobrang pagmamalaki ng Mentorque big boss na si Sir Bryan Dy sa kanyang mga female group na pinangalanan niyang Eleven 11.

Ang dinig namin, ang 6-member girl group na ito ang pinakabagong contenders para sa trono na kasalukuyang hawak ng grupong BINI, huh!

Anim na buwan ding dumaan sa extensive training ang ipinakilalang grupo na under exclusive contract ngayon sa movie producer na si John Bryan Diamante, CEO ng Mentorque.

Pormal ding ipinakilala ang Eleven 11 sa press conference ng Barako Fest sa Lipa noong Huwebes.

Ang grupo ay binubuo nina Ivy, Barbie, CJ, Audrey, Jade, at Swaggy, ang leader ng grupo.

“Eleven 11 are patterns that appear randomly in your life,” paliwanag ni Bryan. “You might notice them on car plates, etc. Eleven 11 is considered a lucky number, and many people say ‘make a wish’ when they see it,” lahad pa ni Sir Bryan, huh!

Marami ang naniniwala na ang 11:11 ay isang magic number o masuwerteng oras ng araw.

Sabi naman ni Ivy, bagay raw sa kanila ang pangalan: “Eleven 11 is a repeating number. It’s an ‘Angel number,’ so whenever you see it, it’s a sign from the universe that your dreams will come true. It’s also a sign that our guardian angels are watching over us.”

Para sa kanila, bilang bahagi ng grupo ay “dream come true” na, dagdag ni Ivy.

Sobrang bilib at naniniwala si Sir Bryan na may promise ang grupo at nakasunod sa standard ng Mentorque.

“You know how we do things at Mentorque,” sabi pa ng movie producer ng award winning movie na Mallari. “We believe in Filipino talent, and we maintain that there’s a place for everyone under the sun,” sabi pa niya.

Nag-debut ang Eleven 11 sa Barako Fest noong Pebrero 15, na nagpabilib sa mga Batangueño sa kanilang pop-rock-hip-hop set.

May kanya-kanyang style ang bawat miyembro ng grupo: Swaggy, ang leader, ang lead dancer. Sina Ivy at CJ ang mga main vocalist. Si Barbie ang rapper. Si Audrey ay kumakanta at sumasayaw, habang si Jade, ang pinakabatang miyembro, ay isang dancer-rapper.