‘MARCOS PUEDE MAGPA-SPECIAL SESSION PARA SA IMPEACHMENT VS VP SARA’

INIHAYAG ni dating Senate President Frank Drilon na maaring magpatawag ng special session sa Kongreso para matalakay ang impeachment complaint laban kay Vice President Sara Duterte.

Ngunit, ayon kay Drilon, kailangang maisama muna ang impeachment complaint sa agenda ng Senado, na magsisilbing impeachment court.

Ani Drilon, hindi maaring kumilos ang Senado dahil naka-session break ngunit kung ito ay mabubuo bilang impeachment court ay maari na itong umaksyon sa reklamo para sa paglilitis kay Duterte.

Tinanggap nitong Miyerkules ng Senado ang Articles of Impeachment ilang oras bago magsara ang sesyon bago ang midterm elections break ng Kongreso.