Gerald Santos maghuhubad na

Ni Rommel Gonzales

MAKULAY ang buhay ni Gerald Santos dahil masaya ang kanyang lovelife sa piling ng U.S.-based girlfriend niya na si Grace Torrecampo na nagbakasyon dito sa Pilipinas last November.

“Yung lovelife ko, I’m really happy. I’m really happy kasi parang nagiging tradisyon na. Last year, Christmas and New Year. Ngayon, New Year lang,” patungkol niya sa bakasyon niya sa Amerika upang makapiling ang kasintahan.

“As much as we can, we really want to be together either Christmas or New Year. Kasi siyempre, may family rin ako dito.

“Gusto ko namang ma-spend ang Christmas sa kanila dito, and then New Year with her. We’re really happy.”

Sa Biyernes ng gabi, January 24 ay idaraos ang Courage concert ni Gerald sa Skydome ng SM North EDSA.

Guests dito sina Erik Santos, Aicelle Santos, Sheryn Regis, Elisha, at ang boy group na Aster.

Sa concert din ang launch ng Courage Movement ni Gerald na susuporta sa survivors ng sexual abuse.

Ang concert ay sa script, concept at direction ni Rommel Ramilo.

Ang ticket prices ay P5000 (SSVIP), P4000 (SVIP), P3,500 (VIP), P2000 (Patron), at P1,200 (Patron Sides).

Kakantahin dito ni Gerald ang bagong kanta niya na “Hubad” kung saan naiibang Gerald ang maririnig.

“Oo, kakaiba din yun, di ba? I’m offering something really new.

“Sabi nga nung iba, kung hindi nila alam na ako yung kumanta, pakikinggan nila, hindi nila aakalaing ako yung kumakanta,

“And that’s what we want to achieve.”

Ano ang kahulugan ng paghuhubad ni Gerald sa pamamagitan ng kantang “Hubad”.

“I’m naked to the public. Alam naman nila yung story ko, lahat. Alam nila ang story ko…

“So parang… hubad talaga ako sa publiko. So it defines din yung kanta sa akin ngayon, yung sitwasyon ko ngayon.

“Na I laid it all out. I laid it all out last year. So now I’m ready to face more… paghuhubad.

“Hindi literal but, you know, maghuhubad in terms of pagiging bolder and braver.”