NBI isinasapinal na ang imbestigasyon kay VP Sara

ISINASAPINAL na ng National Bureau of Investigation (NBI) ang imbestigasyon kay Vice President Sara Duterte matapos ang pagbabanta nito sa buhay ni Pangulong Ferdinand Marcosd Jr.

Ayon kay NBI Director Jaime Santiago, maaaring ipidala na nila sa Department of Justice (DOJ) ang imbestigasyon sa Enero 15.

Lahat ng mga ebidensiya at testimoniya na kanilang hawak ay kanilang tinimbang kung saan inatasan niya ang mga miyembro nito na maging mapanuring mabuti.

Mula pa noong Enero 2 ay sinimulan na nila ang pag-aaral ng mga ebidensiya at testimonya.

Aminado si Santiago na naging maingat sila dahil sa makakaapekto ito sa lagay ng pulitika ng bansa.

Matatandaang noong Nobyembre nang binantaan ni Duterte ang pangulo kasama sina First Lady Lisa Marcos at Speaker Martin Romualdez.