Piolo aminado, mas mahusay sa kanya ang anak na si Iñigo; Barbie at Jak hiwalay na after 7 years na relasyon

Ni Rommel Placente

KAHIT matagal na sa showbiz at marami nang napatunayan, aminado si Piolo Pascual na mas magaling kaysa sa kanya ang anak na si Inigo Pascual sa maraming aspeto.

Ito ang sinabi niya sa interview ni Bianca Gonzales. Marami lamang daw itong gustong gawin at nais niyang ma-pinpoint ito ng anak.

Better singer, actor at dancer daw si Inigo kumpara sa kanya. Nakakapagsulat din daw ito ng kanta at very talented talaga pagdating sa arts.

Naniniwala si Piolo na may kalalagyan si Inigo sa entertainment industry dahil sa kanyang talento.

Sey niya, ” I want him to just keep growing, just keep on improving, just keep on getting better and never stop learning. Always be a student of this world and always be good.”

Kahit madalas sa Amerika para mag-audition sa Holywood, nagbida sa pelikulang “Fatherland” si Inigo last year na dinirihe ni Joel Lamangan.

Ngayong taon ay nakatakdang mag-tour muli ang mag-ama sa Amerika. Matatandaang nagkaroon ng show sina Piolo at Inigo sa Canada kamakailan.

Magandang treat daw ito dahil nakakapag-bonding silang mag-ama.

Sabi pa ni Piolo, “I love performing with him even if he is better. Just watching him, looking at him perform, it makes my heart leap. I am proud of him, super proud of him.”

***

BUNGAD pa lamang ng taon ay may hiwalayan isyu na agad.

Kinumpirma na nga ni Barbie Forteza sa kanyang Instagram account na break na sila ni Jak Roberto after 7 long years na magkarelasyon.

Nag-post si Barbie ng tatlong larawan kasama si Jak.

Caption niya, “Don’t cry because it’s over. Smile because it happened.”- Dr. Seuss.

Sabi pa niya, “Having you in my life was the happiest I had ever been. Seven wonderful years. A lot of laughs, a lot of ramen and so much love.

“Your love was exceptional.

“But sometimes, good things fall apart so better things can come together.

“Beautiful goodbye, @jakroberto.”

Nagpasalamat si Barbie sa dati niyang nobyo.

“Thank you for loving me the way you did. I am excited for what’s to come for both of us. You take care of yourself. May you find the love you deserve.

Hiningi naman ni Barbie ang pang-unawa ng lahat.

“I hope for everyone’s understanding and I wish you can help us put this matter into rest.”

Wala na nga ang JakBie in real life. May mga nalungkot na supporters nila at nanghinayang. Pero may mga BarDa faney naman ang natuwa at nagkaroon ng pag-asa na pwede nang maging totohanan ang tambalan nina Barbie at David Licauco.