Mister pinatay sa taga, pinugutan pa ng ulo

KARUMAL-DUMAL na kamatayan ang sinapit ng isang mister nang pagtatagain at pugutan pa ng ulo sa Cauayan, Negros Occidental.

Sa report, bumibili sa tindahan ang biktima, na hindi pa pinangalanan ng pulisya, nang lapitan ng isang kaaway na lalaki na armado ng jungle bolo.

Sinubukan ng biktima na tumakbo pero nahila pa siya ng salarin at doon na pinagtataga, saka pinugutan.

Lumilitaw na matagal nang may alitan ang biktima at salarin, matapos na ireklamo ng una ang huli ng pananakit sa kanyang kapatid.

Agad namang nadakip ang salarin.