NGAYON PA LANG

Maraming kaganapan sa bansa na mahirap na muling mangyari sa kadahilanang pasanin ng bayan. Masaya ang bayan sa nakamit na dalawang ginto sa pandaigdigang Olympia na ginagawa sa tuwing ika-apat na taon. Sa pagkamit ng medalyang ginto ng atleta sa larong gymnast ‘di naitago ang ‘di pagkakaunawaan ng mag-ina na higit na pinag-usapan sa halip ang saya sa pagkakapanalo. Mabilis na natakpan ang magandang balita sa larangan ng palaro na natabunan ng balitang salang paggamit ng pera ng bayan ng isang opisyal ng bansa na pinagkatiwalan ng mamamayan, ang abalang pangulo. Tumambad ang mainit na balita ng pagkakalustay ng P125M pondo ng tanggapan sa loob ng 11 isang araw este 7 araw.

Ang lamig ng panahon sa kasalukuyan ang init na nadama ng abalang pangulo sa araw – araw, lingo o buwan na naka tamabad ang ‘di maipaliwanag na gastusin ng tanggapan na tinatanganan at tinanganan na nagsilang sa walang dokumento ng kapanganakan at maging ng kamatayan ng ni Mary Grace Piattos. Naging palasak ang kontrobersya na sumunog sa pagkatao ng opisyal na ‘di makuhang humarap sa pagdinig dahil sa ramdam ng pagiging mataas. At nang maisalang ang mga tauhan sa mga tanggapan natanganan, magtungo sa bahay ng mga kinatawan si Inday Siba upang magbigay suporta sa mga tauhan na inaatake ng mga tanong na nagpakaba sa brat ng kaTimugan. Sa kaba sa dami ng tanong na magbabaon sa punong guro, tila sumalin ang kaba na dama ni Inday Siba sa tauhan at humingi ng pansamantalang pagtigil sa pagdinig.

Hindi tumigil ang usapin na kinakaharap ng mangmang ng kaTimugan hangang sa kasalukuyan na nadama ang paglamig ng tindig ng abalang pangulo na nahimasmasa’t maghahanda sa nalalapit na indulto sa buhay bilang politiko. Ang pagkakahalungkat ng salang pagtustos sa pera ng bayan na may ngalang Confi at Intel fund na ‘di ibig ipaliwanag ang dahilan ng paglamig ng tindig. Batid ng abalang pangulo kung saan napunta ang salapi ng bayan, sa mga multong walang dokumento ngunit may ngalan. Sa paglambot ng tindig ni Inday Siba, wala ng ibang dapat gawin ang mga kinatawan sa malawak na kapulungan kung hindi ang paghahain ng pagpapasipa sa abalang pangulo at ‘di na tumagal ang prosisyon. Mahalaga na mabatid ang katotohanan sa mga tustusin na ‘di maipaliwanag higit ang milyon milyong piso na nawala sa kabang bayan. May larawan na sa nakaraan na ang pagwawaldas sa pera ng bayan maging ang dating pangulo’y pinatalsik sa pwesto at ipinanagot sa salang ginawa.

Ang paghahain ng pagpapasipa sa abalang pangulo ang tamang hakbang na dapat gawin ng ‘di pamarisan sa gawang sala. Sa pagtatago sa mga titik ng titulo ng paggagamitan ng salaping bayan ang lumang tugtugin na kasintunado ng nakaraan na ‘di uubra sa kasalukuyan. Madaliin ang pagsipa ng usapin at mainam na madinig tuwirang sagot ng inaakusahan. Sa huli, ang tamang pasya ang mangingibabaw maging mapait o mapagpalaya sa masasakdal. At kung may patunay ng salang paggamit ng salapi ng bayan, ang panghabang buhay na pagkawala ng karapatan na tumakbo saan mang pwesto sa pamahalaan ang igawad. Habang ang kasunod na hakbang ng paghahain ng usapin sa husgado ang isunod ng matiyak na pananagot sa salang panlulustay ng salaping bayan.

Ngayon pa lang, nakakatiyak si Inday Siba na mahaharap sa usapin ng pagsipa at sa bibig na mutawi na kakailanganin ang salapi upang makuha ang serbisyo ng mahuhusay na abogado na magtatangol sa gawang sala. Sa totoo lang, tanggap ni Inday Siba na maalis sa pwesto bilang abalang pangulo ngunit ang higit na pinaghahandaan ay ang posibleng mahatulan ng salang paglustay sa salaping bayan. Hindi maitago ni Inday Siba ang kaba at tila tumatahimik at nag-iisip o naghahanda ng mga depensa sa nalalapit na usaping legal sa buhay nang minsang prinsesa na ‘di magalaw kahit ng ama.

Ang kawalan ng kababaang loob ang susi sa kapalarang kinakaharap. Hindi maramot ang Pinoy ngunit ang harapang panlililo kay Mang Juan na nakatago sa pwestong tangan ang ‘di tanggap at naglayo sa puso ng mamamayan. Ganap na walang baho ang ‘di nababatid higit sa kasaluuyang panahon na malawak ang social media. Ang masakit, maraming Pinoy ang naghihirap at harimunan sa pang araw-araw na pangangailangan sa buhay. Ang mapagmalabis ang madalas tamaan ng galit dahil sa pang-aagaw ng kakanin sa hapag higit sa mga paslit na naglipana sa lansangan. Ang paglimot sa mga taong may pangangailangan na dapat hinaharap ng sino mang opisyal ng bayan at iwaksi ang kasibaan sa kaperahan.

Sa ngayon hindi pansin ni Mang Juan ang mga salang hakbang ng kasalukuyang pamahalaan dahil sa salang galaw ng abalang pangulo. Subalit at umasa na ‘di magtatagal na serbisyong bayan na ayuda ang palyatibong kilos at ‘di tamang serbisyo. Silipin ang sarili sa kalagayan ni Inday Siba at magtuwid ng hakbang ng ‘di pamarisan sa kinabukasan. Huwag magtago sa mga programang pagtulong kuno sa tao sa laylayan gayung napakalaking halaga ang napakaloob na magsasalang sa ikalawang laban sa buhay. Huwag ng tularan ang pait ng kahapon para sa kinabukasang sa pangangalap ng bilyon bilyong pondo ng bayan para sa sarili.

Sa totoo lang, gasgas ang mga programang dahilan sa pangangalap ng pondo para sa halalan sa kinabukasan. Ang mahusay na serbisyo ang tamang pamamaraan upang itulak si Mang Juan na ‘di makalimot sa ibig maging pangulo sa kinabukasan. Hindi AKAP ni Mang Juan ang pansamantalang programa na tambad ng pamumulitika para sa susunod na halalan. Ang paghahanda sa ’28, ang puntirya sa pondong P26B at nasisiguro na maging tagapagsalita ng kongreso sa ’25. Payak ang pagpapahalaga sa maliit na lugar sa kaBisayaan dahil kilala ang pamilya bilang mga troso ng politika. Ngunit ang pagsipa sa bobita ng kaTimugan ang galaw na ‘di mahindian ng bayan na siyang sinasamantala ng tagapagsalita na may mantsa ang ngalan.

Ngayon pa lang, silip na ni Mang Juan ang gayuma nang pagkilos sa pwestong babakantihin ni Jun Singhot. Ang paglalaan ng limpak – limpak na pondo’y ‘di mayAKAP ng maraming Pinoy na nasa kahirapan. Huwag magmadali sa pwestong ibig, palaguin ang buhay at kabuhayan ng tao sa laylayan ng ‘di naunsyami ang layunin sa kinabukasan. Ang maayos na programa ang maglilinis ng ngalan para sa kinabukasan at magpapanatili sa isip ng bayan, Ang tuloy tuloy na pag-unlad ng kabuhayan ng tao sa laylayan ang selyo para sa ‘28.

Maraming Salamat po!!!!