Kamara 100% suportado si PBBM

NAGDEKLARA ang buong Kamara de Representantes, na pinamumunuan ni Speaker Martin Romualdez, ng buong suporta kay President Ferdinand Marcos, Jr. bilang “symbol of the nation’s sovereignty” at nangakong tatalima sa mandato nitong pigilan ang anumang bantang pabagsakin ang gobyerno at hamunin ang pamumuno ng Chief Executive.

Ginawa ng mga kongresista ang deklarasyon sa pamamagitan ng Manifesto of Support, na personal na iprinisinta ng mga mambabatas, sa pangunguna ni Speaker Romualdez, sa Pangulo nitong Miyerkules ng gabi, Disyembre 4, sa Christmas fellowship sa Malacañang, kasunod ng pagbabanta ni Vice President Sara Duterte sa buhay ng Pangulo at sa panawagan ng ama nitong si dating pangulong Rodrigo Duterte sa militar na kumilos laban sa gobyerno.

Pirmado ang manifesto nina Speaker Romualdez, Senior Deputy Speaker Aurelio ‘Dong’ Gonzales Jr., Majority Leader Manuel Jose ‘Mannix’ Dalipe, Agusan del Norte Rep. Jose ‘Joboy’ Aquino II, Lakas-Christian Muslim Democrats (CMD) secretary general; Camarines Sur Rep. LRay Villafuerte, National Unity Party (NUP) president; Rizal Rep. Michael John Duavit, Nationalist People’s Coalition (NPC) president; Surigao del Norte Rep. Robert Ace Barbers, Nacionalista Party (NP) stalwart; San Jose del Monte Rep. Florida ‘Risa’ Robes, Partido Federal ng Pilipinas (PFP) member; at Navotas Rep. Toby Tiangco, Partido Navoteño president.