SIPAIN SA TUNGKULIN

Nabiyayaan ng pwesto dahil sa malaking ambag sa nakaraang halalan ng nanalong pangulo noong ’22. Bilang pasalamat, isang upuan o pwesto sa isang banko ng pamahalaan ang regalo, ang Development Bank of the Philippines, bilang Tserman. Sa pagkakatalaga sa DBP, maganda ang unang regla ngunit ng makatikim ng mantika ng pamamahala, nagbago at tila nabili ang DBP na kung ano ang ibig siyang gagawin ng walang pagsasa alang –alang sa regulasyon ng Bangko Sentral ng Pilipinas o ng pamahalaan. Nakalimot at hindi kumikilala higit sa mga nasasakupan na maging ang kapwa opisyal na itinalaga, ang pangulo ng korporasyon ay ‘di binigyan ng respeto at sinagasaan. Ang pagiging malapit sa kung sinong Pilato sa Malacanan ang tahasang pinagmamalaki ng Tserman ng DBP. Kesyo na hindi matitinag sa pwestong dahil sa malaking ambag sa nakaraang halalan. At hindi pinag-uusapan ang bilyon – bilyong piso na inilipat ng DBP sa Maharlika Investment Corp. na nagpalaki ng ulo ni Tserman.

Sa tinatamasang kapangyarihan daig pa si Lizarda na ibig sakupin maging ang tungkulin ng pangulo ng korporasyon na tumututok sa pang araw-araw na operasyon ng banko. Sa katunayan maging ang pamamalakad ng kawani higit ang Human Resource Department ng banko’y pinakikialaman na ‘di sakop ng tungkulin bilang Tserman. O sadyang ‘di alam ni Tserman dahil Low IQ at ngayon lang nagkaroon ng malaking tungkulin sa pamahalaan. Ang masakit wala na sa katuwiran ngunit nagdudunong – dunungan at kumuha ng kakampi sa ilang board of directors upang pahinain ang pwesto at tungkulin ng pangulo ng DBP. Hindi lang sa BOD ang isinalang maging ang ilang bise sa DBP’y kasapakat sa mga ibig na panuntunan na ipinatupad. Sadyang binabalewala ang pwesto ng pangulo ng banko na tuwirang tagapagpaganap ng kaganapan sa DBP. Alam ba ni Jun Singhot o maging ni Boy Recto o sadyang malakas ang arrived ni Low IQ?

Sa pagsisiyasat, may katangian si Tserman na makikialam kahit sa maliliit na usapin na sa banko na ‘di saklaw o di na dapat panghimasukan. Sa totoo lang, maging ang usapin ng parking ng mga sasakyan ay pinanghihimasukan. At sa pag-iikot sa mga sangay ng DBP kasama ang mga kawani sa tangapan nito’y astang ‘di maabot kahit ng mga tagapagpaganap ng serbisyo o sangay ng banko sa iba’t – ibang panig ng bansa. Ang kagalingan sa pagbisita, ‘di maka hindi sa gastusin ang mga dinalaw sa pagbisita. At sa totoo lang, sa pagbisita, nariyan na ang pondo na bigay ng punong himpilan na pinanggalingan subalit pinasasagot sa sangay ang mga gastusin. Ang masakit, hindi natutulog sa mga karaniwang hotel ang mga sandamukal na kapal muks na pinasasagot sa binisitang sangay ang lahat ng gastos mula pagkain hangang sa tulugan. Wow doble lagare, masarap na buhay may pera pa sa pag-uwi. Hindi kasama ang padala at sahod sa pagdalaw, napaka palad ng mga tauhan at ni Tserman Low sa mga taga DBP.

Sa kabilang dako ng DBP, napansin ng mga kawani ang isang maambisyosong kasapi ng BODs ang lantaran sumangayon kay Tserman at sumama sa panlilibak sa pangulo ng DBP. Sa pagsasaliksik, nabatid na maraming suking negosyante ang banko na nag-lisanan sa dahilang mga pagbabago ng patakaran na pilit na ipinatutupad ng director na may ngalang AnTon na malapit kuno sa asawa ni Dawn Z. Sa pagbabago ng patakaran bumaba ang bilang ng mga suking napapautang ng banko na taliwas sa mga nakaraang panahon. Ang masakit sa pagtalikod ng mga “blue chip” na kliyente humina ang kita ng banko na masasabi ang dahilan. Ngunit sa pagpapalalim sa dahilan ng pagpapalit ng patakaran, nabatid na ibig makuha ni AnTon ang panguluhan ng DBP sa kasalukuyang may hawak ng pwesto, o Jesus ko. Ang masakit may galaw si Director na pinaliliit kuno ang sahod ng pangulo na hakbang upang mawala ang pag-ibig ng kasalukuyang pangulo ng DBP. At tila inuupatan na magbitiw, sa halatang obvious na dahilan.

Sa kaganapan sa itaas, hindi maitago ng mga kawani higit ng DBP Career Officers Association ang pagka dismaya at sumulat sa tangapan ng pangulo upang ipabatid ang mga paglabag ng bangit na mga opisyal sa kautusan ng BSP, mapanatili at pataasin ang kalidad ng paglilingkod sa banko higit sila’y mga pampublikong lingkod bayan. Sa nakitang alang kalidad na paglilingkod bayan si Tserman at si Dir. AnTon sumulat ang DBPCOA sa pangunguna ni Rudelito Tirado, Jr. at pinaabot ang kabalastugan ng dalawang opisyal na intriga ang dala at ‘di serbisyo. Malinaw sa sulat ng DBPCOA na hindi karapat dapat sa pwestong tangan ang maintrigang opisyal at nararapat na lumipat ng trabaho sa showbiz. Sa totoo lang, hindi naghahanap ng mali ang Career Officers Association, ang layo’y mapanatili ang integridad ng banko na tila kasing bilis ng paglipat ng P30B sa Maharlika Investment Corp. Ang pinaka layon ng liham, ang maibalik ang mahusay na serbisyo sa SME na ibig na maiparating sa tangapan ng pangulo.

Hindi natinag ang Tserman ng DBP Board na tila sigurado sa kilos at binalikan ang pangulo ng DBPCOA at pinagpaliwanag sa liham na ipinaabot sa tangapan ng pangulo. Ang masakit ibig pa ni Tserman na ipatigil ang Separation and Retirement Plan ng mga kawani na matagal nang ipinatutupad ng ahensya. Pangalawa, sa pagpapaliwanag na hinahanap may lakip na pagbabanta na tatangalin sa tungkulin at may kasong haharapin si Tirado na tunay na hakbang ng panunuwag ‘di lang sa pangulo ng COA maging sa mga kawani na ibig patahimikin. Ang gawa sa pangulo ng DBP at ang ginagawa sa pangulo ng Career Officer sa DBP tunay na panunuwag upang igiit ang pansariling interes sa banko ng pamahalaan. Ang pigilan ang paglago ng pagkadismaya kay Tserman at director ang gagawin upang ‘di lumaki ang sunog sa banko. Ang panunuwag sa matuwid na mga kawani ng DBP ang karaniwang galaw ng may maitim na balak sa kaban ng banko na pinamumunuan.

Sa totoo lang, pinatawag at ipinasumite ng tindig ang pangulo ng DBPCOA dahil sa narinig na magra-rally kuno ang mga kawani ng DBP dahil sa kaganapan sa banko. Uulitin, walang naganap na rally ngunit ipinatawag pinagharap ng tindig sa walang basehang balita. Tunay na galit ang buktot sa matuwid at kita ang pagiging Low IQ ni Tserman na kahit walang naganap na pag-rarally may kaso ang lider na pinaghihinalaan. Ang masakit kahit sa legal affairs ng DBP ipapasa ang usapin, kay Tserman ibabato ang kaso at walang matitira kay Tirado kundi apelyido. Kaban ng bayan ang usapin sa kaganapan at ang tindig ng pagkabalasubas ni Tserman at ni director ang ibig matigil dahil hilahod na ang banko higit sa inilipat na P30B sa MIC. Sang-ayon ang Batingaw sa ginawa ng DBPCOA sa pagsulat sa tangapan ng pangulo at ipinabatid ang kawalang ingat ng Tserman sa salaping bayan. Ang sipain sa tungkulin ang dapat kay Tserman Low IQ na ‘di makatao. Hindi titigil ang Batingaw hanggang ‘di inaalis ang Board Tserman ng DBP. Sipain si Low IQ maging si Dir. AnTon ng ‘di pamarisan.

Maraming Salamat po!!!!