BAKIT ‘EXEMPTED’ SI LI JIN?

Sa nagpapatuloy na hearing ng ‘House Quadcomm’ at Senado hinggil sa mga krimeng “kakambal” ng operasyon ng mga POGO, lumalabas na sentral na personalidad dito ay itong si ‘Michael Yang’ at ang ‘Circle of Friends’ na naitatag niya dahil sa kanyang pagiging “dikit” kay PDU30.

Bagaman nga ‘at-large’ pa rin at “bomalabs” na siyang mahuli, nasa kustodiya naman ang kanyang kapatid na si ‘Tony’ habang nasa “gedli” (gilid) lang ang iba pa niyang mga kasabwat na mistulang hindi napapansin nina Cong. Ace Barbers at Sen. Rissa Hontiveros. Baka “dinededma” lang? Hehehe!

Noong Setyembre 24, naisulat natin itong ‘Xionwei Technology,’ isang POGO na itinayo ni Michael Yang at “ipinasa” dito kay ‘Li Jin,’ aka, ‘Richard Lim,’ matapos matumbok ni Sen. Dick Gordon si Yang sa ‘Pharmally Scandal.’

Katulad ng iba pang POGO na naging “prente” ng mga ‘Chinese syndicates,’ may “malansa” ring reputasyon itong Xionwei sa pamamahala nitong si Li Jin; sa talaan ng PNP-AKG, sabit ang Xionwei sa ‘KFR’ ng mga Chinese nationals.

Marami tuloy ang nagtataka na kahit 6-buwan na ngayon ang ‘POGO probe’ ng Senado at Kongreso, kahit minsan, hindi naipatawag itong si Li Jin? Bakit siya ‘exempted?’

Ito ay kahit ‘BFF’ umano siya ng mga Yang? Ayaw naman nating isipin na may mga “astig” na “padrino” si Li Jin. Ayaw natin, dear readers.

Sabagay, eleksyon na at “nakakahiya” na malaman ng mga botante na ang mga “iniidolo” nilang kandidato, “sabit” bilang mga protektor ng POGO, hehehe!

Abangan!