Gobyerno target na gawing ‘merry’ ang Pasko ng mga Pinoy

SINIGURO ng Department of Finance (DoF) na ginagawa ng gobyerno ang lahat ng makakaya nito para maging abot kaya ang mga bilihin bago mag-Pasko.

Pahayag ni Finance Sec. Ralph Recto, layon nitong gawing merry ang Pasko ng bawat mamamayang Pilipino.

Ginawa ng kalihim ang naturang pahayag matapos ang naitalang 1.9% na inflation outturn noong September.

Ibig sabihin, nagkaroon ng pinakamababang inflation sa bansa sa loob ng 4 na taon.

Ayon kay Recto, mayroon silang mga ginagawang bagong interbensyon para matugunan ang ang food and non-food inflation sa Pilipinas.

Isa na aniya rito ang bagong batas na Anti-Agricultural Economic Sabotage Act.
Inaasahang magagamit ang batas na ito para mapigilan ang malawakang smuggling, hoarding at iba pang ilegal trade na nagsasabotahe sa ekonomiya ng bansa.