PERFORMANCE-BASED SYSTEMS PINASUSUSPINDE NI PBBM

IPINAG-UTOS ni Pangulong Ferdinand Marcos Jr. ang pagsuspinde sa Results-Based Performance Management System (RBPMS) at Performance-Based Incentive (PBI) System sa gobyerno.

Ginawa ang hakbang upang muli itong mapag-aralan at maisaayos.

Batay sa Executive Order No. 61, tinukoy ang duplicative at redundant o mga nagdodoble at nagpapatong na internal at external performance audit at evaluation systems ng RBPMS at PBI systems.

Dahil dito, pinasususpinde ni PBBM ang implementasyon ng Administrative Order No. 25 at EO No. 80 at iba pang kaukulang direktiba na may kaugnayan sa dalawang sistema.

Maliban dito, ipinag-utos din ni Pangulong Marcos ang pagbuo ng isang technical working group (TWG) para sa muling pag-aaral at pagrepaso sa RBPMS at PBI systems. (Gilbert Perdez)