KAPANSIN-PANSIN

Naglabas ng bagong survey ang SWS hinggil sa pagganap ng mga kagawaran sa kani-kanilang mandato. Sa paglalabas ng bagong survey nabuhayan ng loob ang mga pangunahing tagapagpaganap sa mga kagawaran. Sa survey, nakatuon ang pagtatanong sa pagganap ng mga tauhan o kawani ng mga kagawaran at ‘di sa namumuno. Sa inilabas na resulta, masasabing nakatutok sa mga puno ng kagawaran ang pagtatanong gayung nakatuon ang survey hinggil sa kasiyahan sa pagganap ng kagawaran. Sa paglabas ng survey hindi maitago ng mga kalihim ang saya dahil sa magandang pananaw ng Pinoy hinggil sa pagganap ng mga tauhan ng kagawaran. Sa pagganap ng mga tauhan, kita ang dedikasyon ng bawat tauhan o kawani na ibig pataasin ang paganap at paigtingin ang pagpapahusay sa pagganap ng sa susunod na panahon at pagtatanong ng higit na tumaas ang kasiyahan ng tao sa pagganap sa mandatong nakaatang.

Walang pagtutol sa pinakitang kagiliwan ng mga natanong sa pagganap ng mga kawani ng pamahalaan higit sa dalawang nangungunang kagawaran. At sino ang hindi magsasabi ng kagalingan ng mga kawani sa namalas na pakikipagtalastasan sa mga anak mula sa paaralan. Sa talastasan nasusukat ang pag-unlad ng mga bata sa pakikipag-usap higit sa sagot sa mga tanong ng mga magulang o nakatatanda. Malinaw ang resulta ng pagganap sa gawain sa pagkatuto ng mga anak na mahaba ang oras sa pagharap sa guro at gawaing pampaaralan. Pangalawa, hindi maisasantabi ang kagawaran na tuwiran nilalapitan ng mga nangangailangan sa buhay. Ang tuwirang pagpapadaloy ng mga kawani sa serbisyong mandato ang malinaw na kita ng tao. Hindi usapin kung sino ang nagpapadaloy ng programa dahil ang mahalaga sa Pinoy ang pagpaparating ng pangangailangan higit sa gipit na sitwasyon. Hindi pa usapin ang ayudang karaniwang nakikita sa mga liwasan ng mga barangay sa bansa, higit ang kontrobersya ng pagmimina na sangkot ang pamilya ng kalihim.

Sa paglabas ng survey iisa ang pumasok sa isip at ‘di nakatuon sa kung sino ang nangungunang kagawaran sa survey, natuunan ang mga puno sa mga kagawaran. Matalas ang pagpapaalam na nakakahiwa kung bakit nailabas ang survey sa panahon na may kinahaharap na kontrobersya ang puno ng kagawaran na malapit sa mga bata’t kabataan. At pumasok na tanong, may ibig bang ilihis na usapin o sadyang nasa “timing” ang SWS sa paglalabas ng survey? O’ may nagbayad na kung sino upang ilabas ang survey na hindi natitinag ang suporta ng Pinoy sa punong guro ng mga punong guro ng mga paaralan sa bansa. Subalit, ‘di makita ang kagalingan ng paglalabas ng survey at nakakabahala nagagamit ang nasabing grupo ng iilang may mata sa kinabukasan ng pulitika sa bansa. Sa totoo lang, alang halaga ang survey na bangit dahil tuwiran ang pakinabang ng bata’t kabataan sa serbisyong ibinibigay ng kagawaran sa mga Pinoy na nasa laylayan.

Sa nakalipas na mga buwan o taon, may mga naganap na pagtatanong hingil sa mga pagganap ng mga kagawaran subalit walang dating sa madla at ‘di umalingawngaw. Habang sa kasalukuyang naging maingay ang paglalabas ng survey dahil sa mataas na tao sa bansa ang ibig ipaalam ang kagalingan. Ang masakit nakatuon ang pagkilala sa taong alang ambag sa kagalingan ng kagawaran. Ang pag-alingawngaw ng ngalan ng kalihim ng kagawaran na may layon sa hinaharap ay tila nagpapansin ng mabatid ang kalagayan ng ngalan sa bayan. O’pagtitiyak na ‘di kailangan mabahala dahil patuloy ang pagkilala sa ngalan ni Inday Siba. Na dinaan sa survey o pagtatanong sa pagganap ng kagawarang pinamumunuan, At dahil silip at kinikilala ang pag-unlad ng mga anak na siyang tutok ng mga kawani ng kagawaran sa buong kapuluan.

Sa paglabas ng survey, ‘di batid ang layon subalit kinakatigan na may ibig ilihis na isyu na kinasasangkutan ni Inday Siba na may kinalaman sa pagiging asawa at ‘di bilang kalihim. Hindi ibig ibaba ang pagtanaw sa isyu ng kagalingan ng kagawaran sa halip ang matukoy ang kontrobersya na nagdidiin sa puno ng kagawaran. Sa mga taong malikot ang pag-iisip, tunay na ibig pagtakpan ng survey ang kontrobersya na may sanga ng moralidad. At ito ang ibig mabatid ng Pinoy, ang totoong pagkatao ng opisyal ng balak sa pinakamataas na pwesto sa pamahalaan. Hindi mawawala sa isip ng bayan ang balakin sa susunod na panahon at kailangang linisin ang ngalan sa kaagahan para sa kinabukasan. Walang hindi gagalawin at walang hindi gagamitin sa paglilinis ng pangalan para sa kinabukasan. Ang malaking puhunan ang kapit at handang tustusan ng salapi ang kontrobersya ng ‘di naunsyami ang pangarap sa kinabukasan.

Mabalasik ang resulta ng survey higit sa mga taong tinutukoy na may balak sa hinaharap para sa bayan. Ang paghubog sa kaisipan ng taong bayan sa pamamagitan ng survey na nakatayo sa liwasan ang magandang paraan na tangap ng tao sa laylayan. Maraming kaganapan gamit ang survey na humubog sa kasaysayan ng bayan higit sa halalan. Ang nakaraang pambansang halalan ang isa sa pinakamabalasik ang pagsunod ng SMARTMAGIC sa mga survey na naglabasan. At ‘di malayo ang kinalabasan ng survey sa kinalabasan na kontrobersyal na panalo ni Boy Pektus na hanggang sa kasalukuya’y tinatanong sa kataas-taasang hukuman. Gamit ang mga resulta ng survey, muli narito ang mga nahirang “survey firm” na naglabas ng resulta na naiibigan ng Pinoy ang pagganap ni Inday Siba bilang kalihim. Subalit, tinatanawan ni Mang Juan na pantakip sa kontrobersya ni Inday Siba sa isang basketbolista ang inilabas na survey.

Sa ibabaw, iba ang dating ng survey na tila nagpapahiwatig ang survey group na kaya nitong mag mahika at magpapawala sa alalahanin ng mga taong balot ng kotrobersya. Ang pagtatanong kuno sa mga tao ng kagalingan ng nasa pamahalaan ang paglilihis na paraan na may kalinisan dahil mula ito sa laylayan. Ang pagpapalabas ng survey na napaka-aga para alamin ang kalooban ng tao sa pagganap ng mga nasa pamahalaan ang tila kumot na tatakip sa kaganapan na nabatid ng madla. Subalit hindi makakalimutin si Mang Juan higit sa pag-ubos sa P125M sa loob ng 11 araw at sa huli’y nabatid na itinustos sa isang ibig na kaibigan. Maganda ang resulta ng survey,subalit ‘di matatawaran ang isip ng balana sa perang ginamit para sa salang pag-ibig. Ang masakit, kapansin-pansin ang kilos ng survey group upang takpan ang nangangating katawan ng opisyal.

Maraming Salamat po!!!!