Sanggol binalibag ng adik na ama, patay

NALAGUTAN ng hininga ang isang walong buwan na sanggol na binuhat at ibinalibag ng ama na umano’y adik sa shabu at lulong sa alak sa Barangay Tagaytay, Bansalan, Davao del Sur, Sabado ng gabi.

Kinilala ang buang na ama na si Angelo Malit.

Nasa kustodiya na ng Bansalan Municipal Police Station ang salarin, na umamin na agad sa kanyang nagawa na labis na ikinagulat ng mga taga–Davao del Sur at mga residente ng mga karatig probinsya.

Ayon sa mga kamag-anak at mga kapitbahay, bigla diumanong binuhat ni Malit ang anak at ibinalibag ng malakas sa sahig ng kanilang tahanan kaya ito agad na namatay.