MALAKANYANG NAKIKIDALAMHATI SA PAGPANAW NI MIKE ENRIQUEZ

LABIS na ikinalungkot ni Pang. Ferdinand Marcos Jr. ang pagpanaw ni veteran anchor Mike Enriquez.

Ayon sa Pangulo, si Enriquez ay isa sa mga haligi ng broadcasting industry sa bansa.

Aniya, inilaan ni Enriquez ang kanyang buhay sa paghahatid ng patas na balita sa mamamayang Pilipino.

Nagpaabot naman ng pakikidalamhati si PBBM sa pamilya at sa mga mahal sa buhay ni Enriquez.

Samantala, nakikiramay din sa pamilya ni Enriquez si Presidential Communications Office (PCO) Sec. Cheloy Garafil.

Aniya, si Enriquez, host ng “Imbestigador” at “24 Oras” sa GMA-7, ay isa sa mga itinuturing nilang kasangga sa paghahatid ng tapat at walang kinikilingang balita habang kinilala rin ng kalihim ang hindi matatawarang kontribusyon ng beteranong brodkaster sa industriya.

Matatandaang sumakabilang-buhay si Enriquez sa edad na 71 dahil sa komplikadong karamdaman. (Gilbert Perdez)