Bangkay ng 2 piloto ng bumagsak na Cessna plane narekober na

NAREKOBER na ang bangkay ng dalawang sakay ng Cessna plane patungong Cagayan na bumagsak sa Apayao noong Martes.

Kinilala ang dalawang pasahero na sina Captain Edzel John Lumbao Tabuzo, 24 anyos; at student pilot na Indian natonal na si Anshum Rajkumar Konde, 20.

Narekober ng Apayao Search, Rescue and Retrieval (SRR) team at mga rescuer ng militar ang mga bangkay at ang black box ng eroplano malapit sa Sitio Matad, Barangay Salvacion, ayon pamahalaang panlalawigan Huwebes ng gabi.

Sinabi ng mga opisyal ng Apayao na naibigay na ang bangkay ni Tabuzo sa kanyang pamilya, habang ang kay Konde ay dadalhin sa Indian Embassy.