Advertisers

Advertisers

Lagot! Illegal online lending sisilipin ng Senado

0 111

Advertisers

NAIS paimbestigahan ni Senate Majority Leader Joel Villanueva ang mga hindi awtorisado at hindi rehistradong online lending platforms sa bansa kasunod ng pambibiktima sa daan-daang Pilipino.

Sa kanyang inihaing Senate Resolution No. 641, sinabi ni Villanueva na sa pagdami ng lending transactions sa pamamagitan ng digital platforms, dumarami rin ang bilang ng kaso ng mapang-abusong pangongolekta at debt recovery practices ng ilang kumpanya.

“Our office has been receiving hundreds of complaints from people who were harassed, intimidated, and shamed by the collecting agents of these online lending platforms for being unable to pay their loans on time,” ani Villanueva. “We need to put a stop to this inhumane and unethical practice and make sure that our kababayans are truly protected.”



Sinabi ni Villanueva na dapat ipatupad ng maayos ang mga batas para matiyak na ang mga konsyumer ay nakikipag-transaksiyon lamang sa mga rehistrado at awtorisasdong online lending companies para maprotektahan ang kanilang interes at kapakanan.

Nauna nang binawi ng Securities and Exchange Commission (SEC) ang Certificates of Registration ng 2,084 lending at financing companies na hindi kumuha ng kanila ng Certificates of Authority (CA), habang 39 ang kinansela ang kanilang CA dahil sa iba’t ibang paglabag.

Binanggit pa ni Villanueva na may ilang lending firms din na sobra-sobra ang pinapataw na interest rates at iba pang charges dahil sa pagkabigo ng mga borrower na magbayad ng kanilang obligasyon sa takdang oras.

Bukod dito, may ilang kolektor din ang nagmumura at nagbibitaw ng masasakit na salita sa kanilang mga kliyente para mapuwersa silang magbayad ng kanilang utang.

Hiniling din ni Villanueva sa kaukulang komite ng Senado na tingnan ang mga ulat na may mga online lending platform na sangkot sa iresponsableng pagkuha ng mga datos at impormasyon na labag sa ‘right to privacy and safe and secure transactions’ ng kanilang mga kliyente.



Sa ilalim ng Republic Act No. 11765, Financial Products and Services Consumer Protection Act, ang mga financial service provider ay pinagbabawalang maging mapang-abuso sa pangongolekta ng utang ng kanilang mga kliyente.

Nakasaad din sa Republic Act No. 7394, Consumer Act of the Philippines, na dapat isulong ang “fair, honest and equitable relations among parties in consumer transactions.”
Nakapaloob naman sa Republic Act No. 3765, Truth in Lending Act, na dapat maging tapat ang mga lender sa charges na kanilang ipinapataw at ipaalam sa mga borrower ang totoong cost of credit.
(Mylene Alfonso)