Bangkay ng sundalo umalingasaw sa Leyte

Nadiskubre ng mga magsasaka ng niyog ang bangkay ng isang sundalo noong Linggo ng pagkabuhay, sa Barangay Balocawehay, bayan ng Abuyog sa Leyte.

Kinilala ni Abuyog Police Station chief Major Luis Hatton ang biktima bilang si PFC Aries Ampoan, 21, miyembro ng 14th Infantry Battalion (IB).

Hinihintay pa ang resulta ng otopsiya upang malaman ang dahilan ng kanyang pagkamatay.

Ayon sa 14th IB, nagconduct ng monitoring operations si Ampoan hinggil sa riported presence ng Communist Terrorist Group (CTG) noong Abril 2. Mula noon, walang contact ang 14th IB kay Ampoan.