Sen. Hontiveros kinwestiyon ang integridad ni PBBM nang ianunsyo ang balak na pagkalas sa ICC

TINULIGSA ni Senate Deputy Minority Floor Leader Risa Hontiveros ang integridad ng mga pahayag ni Pangulong “Bongbong” Marcos Jr., matapos ianunsyo ng pangulo na mag-“disengage” sa International Criminal Court (ICC).

Ang pahayag ni Marcos ay kasunod ng pagbabasura ng ICC appeals chambers ang hiling ng Pilipinas na suspindehin ang ongoing investigation sa madugong drug war ng dating administrasyong Duterte.

Ayon kay Hontiveros, kung gagawin ni Marcos na umalis sa ICC, ipahihiya lamang nito ang Pilipinas sa international stage.

Giit pa ng Senadora, mukhang hindi interesado ang kasalukuyang administrasyon na bigyan ng hustisya ang mga biktima ng drug war sa desisyong umalis sa ICC.

Hindi rin aniya na nagtangka ang administrasyon na imbestigahan ang mga pagpatay sa panahon ng war on drugs.

Kinwestiyon pa ng mambabatas na muli raw bang tatalikuran ng pangulo ang pamilya ng mga biktima gaya ng ginawa nila sa maraming victim-survivors ng martial law.