Pulubi araw-araw sa hotel natutulog

MAPAPA- “sana all” ang netizens sa isang pulubi dahil araw-araw sa hotel siya natutulog.
Sa TikTok post ni Chinita, makikita ang panayam sa pulubing si Kuya Jerry na taga-Cebu.

Kumikita umano si Kuya Jerry ng 1,500 kada araw.

Kuwento niya, 2021 nagtrabaho siya sa Makati at kalaunan nag-resign na siya.

Naubos daw ang pera at lahat ng ari-arian niya, at napunta sa panlilimos.
Ibinida rin niya ang resibo bilang patunay na araw-araw siyang nagho-hotel dahil sa malaking kita niya sa panghihingi ng pera.

Saad pa ni Kuya Jerry, kaya niyang bumuhay ng pamilya sa panlilimos lamang.