P19.5M jackpot sa 6/45 Mega Lotto nasolo ng taga-Parañaque

NAPANALUNAN ng isang masuwerteng mananaya ang P19.5 milyon jackpot prize ng 6/45 Mega Lotto na binola ng Philippine Charity Sweepstakes Office (PCSO) nitong Lunes ng gabi.

Nakuha ng naturang mananaya ang winning combination ng Mega Lotto na 04-26-38-15-34-17.

Ayon sa PCSO, nabili ang winning ticket sa isang outlet sa Merville, Parañaque City.

Samantala, nagsagawa rin ng draw para sa 6/55 Grand Lotto nitong Lunes ngunit walang nakatama sa winning combination nito na 30-33-54-43-41-32.

Aabot na sa mahigit P123 milyon ang premyo ng nasabing palaro.

Nitong Biyernes lamang, 2 manlalaro ng 6/58 Ultra Lotto ang naghati sa P521,275,111.60 na jackpot prize nito.