50 bahay sinalanta ng buhawi sa Iloilo

HIGIT 50 bahay ang nasira sa magkahiwalay ng pananalasa ng buhawi sa bayan ng Oton, Iloilo at Iloilo City, Martes ng umaga.

Sa Iloilo City, 39 bahay ang nasira sa mga barangay ng Santo Domingo at Santa Cruz.
Batay sa datos ng Iloilo City Social Welfare and Development Office, 15 bahay ang partially damaged at 6 ang totally damaged sa Barangay Santo Domingo.

Isang residente rin ang naiulat na nasaktan nang mabagsakan ng puno ng mangga ang kanilang bahay.

Natumba rin ang mga poste sa 2 barangay.

Sa Oton, 15 bahay sa Barangay Alegre ang nasira at ilang puno ang bumagsak bunsod ng buhawi.

Agad inilikas ng mga awtoridad ang mga residente sa mas ligtas na lugar.

Inaalam pa ng mga awtoridad ang kabuuang bilang ng mga apektadong bahay at halaga ng nasirang ari-arian.