Neil napikon sa bashers, sumagot sa isyung hiwalay na kay Angel; Toni inamin, takot sa press

Ni ROMMEL PLACENTE

SA January 20 ay mapapanood na sa Araneta Coliseum ang 20th anniversary concert ni Toni Gonzaga billed as I Am..Toni. Ito ay produced by Godfather Productions and Ovations Productions.
Sa mediacon ng nasabing concert na ginanap sa Winford Manila, ipinaliwanag ni Toni kung bakit I Am.. Toni ang title ng kanyang concert.
Sabi ni Toni,”The reason why it’s called I Am.. Toni it’s because I realized in my 20 years of journey in the industry, you will be defined by a lot of people. You will be defined by the press, by the people you just met. And then along the way, you will let lost.
“Then realizing na, sino ba talaga ako? And then, ‘pag tumagal ka ng tumagal sa industriya, you get re-connected with yourself. Mari-realize mo na, I’m still the same, na I didnt change. Parang I just became the person I really meant to be,” aniya pa.
Tungkol naman sa maaasahan ng audience sa manonood ng kanyang concert, ang sabi ni Toni,”It’s just a recollection of everything that happened in the 20 years. How I started. And where I am today. So parang it’s going to be a journey, ‘yung concert. It’s more like a story of everything, the story of my life.”
So who is Toni Gonzaga now?
“When I looked back, I’m still the same Toni nu’ng nagsisimula pa lang ako sa industry.’ Yung simple lang. ‘Yung simple lang din yung pangarap ko to be able to do what I love to do. What I’m really passionate about. Tapos ngayon, mas may confidence na ako, to show everyone who I really am, and do not be.. too much of a people pleaser.
“Kasi when you’re new in the industry, parang na-realized ko in my 20s, I was so scared. Takot na takot ako ‘pag may presscon. Takot ako sa press baka magalit sa akin..
“Ngayon naman, wala ng fear. You don’t live in fear anymore. You live in faith, parang ganyan, ‘di ba? You live with more confidence, na alam mo na ‘yung ginagawa mo.”
***
SA pamamagitan ng kanyang social media account, sinagot na ni Neil Arce ang mga nagpapakalat ng kuwento na hiwalay na raw sila ng asawang si Angel Locsin dahil may nabuntisan siyang ibang babae at kung anu-ano pa.
Post ni Neil, “Me and my wife are charitable people. Donation na po namin sa Fake News peddlers ‘yang kikitain nila sa pagpapakalat ng Fake News.
“Besides deserve naman ng followers and subscribers nila makarinig ng kasinungalingan,” sabi pa ng mister ni Angel.
O di ba, halatang pikon na si Neil kaya nakapag-post siya ng ganito.
Pero bago naman ang post ni Neil, sinabi na ni Ogie Diaz sa vlog nito na Showbiz Update, na hindi pa hiwalay sina Angel at Neil. Sabi ni Ogie,”Hindi sila hiwalay, nagpahinga lang si Angel Locsin sa social media at meron siyang ibang pinagkakaabalahan at aware ro’n si Neil.”