2 babae at 2 lalaki natagpuan patay sa loob ng kotse!

DALAWANG babae at dalawang lalaki ang natagpuang patay sa loob ng isang kotse na nakaparada sa Sitio Balagbag, Barangay Sam Isidro, Montalban, Rizal nitong Lunes.

Ayon sa ulat, 5:00 ng umaga nang nadiskubre ng ilang residente ang kotse na may plakang NGU-1923 na nakaparada sa lugar at may mga duguang bangkay sa loob nito.

Ayon kay Police Lt. Colonel Marcelino Pipo Jr., iniimbestigahan pa ng kanilang mga tauhan kung baril o matalas na bagay ang ginamit sa brutal na pagpatay sa apat at inaalam pa ang pagkakakilanlan ng mga ito.(Edwin Moreno)