Gilas women bronze sa FIBA U-16 Women’s Asian Championship

UUWI ang Gilas women bitbit ang bronze medal matapos tambakan ang Lebanon, 90-68, sa Division B ng 2022 FIBA Under -16 Women’s Asian Championship Huwebes ng gabi sa Prince Hamza Hall sa Amman.

Nakabawi ang Gilas Women matapos mabigo sa eventual champions Samoan sa semifinals Miyerkules, salamat sa all-around efforts ni Gabby Ramos na nagtala ng 20 points,five boards, at three steals.

Kristan Geyl Yumul nagpasabog ng anim na three-pointers tungo sa 20 points, six assists, three steals at two rebounds.

Naomi Panganiban kumana ng 10-of-13 para magtapos ng double-double 16 points at nine boards.

Angelina Maria Bado pinamunuan ang Lebanon sa iniskor na 19 points at five rebounds, habang si Nour Labban 12 points.