30 trainees sa ‘Top Class: Rise to P-Pop Stardom’, magkakabugan na

Ni BLESSIE K. CIRERA

IPINAKILALA nitong nakaraang Linggo, June 12, sa Glorietta Activity Center, Makati City, sa pamamagitan ng mall show at media conference, ang may 30 official trainees na makikipagpaligsahan para patunayang may karapatang mapabilang at manalo sa Stan Up! Top Class: Rise to P-Pop Stardom na magsisimula nang mapanuod sa June 18, 2022 sa pakikipagtulungan ng TV5, KUMU, Cignal Entertainment at Cornerstone Entertainment.
Ang Top Class: Rise to P-Pop Stardom ay ang bago, pinakamalaki, most advanced at most interactive P-pop talent reality competition sa Pinas.
Ipakikita ng mga trainees ang kanilang kakayahan o talento sa pagdaraanang mga proseso hanggang sa huli.
Inilantad na rin sa publiko ang magsisilbing host ng show na si Miss Universe 2018 Catriona Gray, Albie Casino at Yukii Takahasi bilang co-hosts.
Magsisilbi namang mentors sa mga trainees sina KZ Tandingan–Vocal, Brian Puspos–Dance, at Shanti Dope– Rap.
Dumaan din sa audition ang 30 trainees na ang National University sa Laguna ang magiging tahanan ng Top Class.
Ang mga sinuwerteng mapasok sa Top Class at haharapin ang iba’t ibang pagsubok ay sina Dean Villareal, El Mendoza, Lex Reyes, Justine Castillon, Kim Huat Ng, Harvey Castro, Joshuel Fajardo, Gilly Guzman, Kenzo Bautista, Seb Herrera, Denver Dalman, Francis Lim, Trick Santos, Jascel Valencia, Tanner Jude, Jon Laureles, Clyde Garcia, Matt Cruz, Timothy Tiu, Brian Zamora, Jeff Cabrera, aroj Concepcion, Jai Gonzales, Chase Peralta, Dave Bono, Ash Rivera, JC Dacillo, RZ Condor, Niko Badayos at Gab Salvador.
Kaya ‘wag kaligtaang tutukan ang TC simula sa June 18 sa KUMU (daily streaming) at TV 5 (tuwing Sabado).