Joven Olvido tiklo sa buy-bustJoven Olvido tiklo sa buy-bust

Muling nahuli si Pilipinas Got Talent Season 6 third runner-up Mark Joven Olvido sa isang buy-bust operation sa Sta. Cruz, Laguna nitong Biyernes.

Ayon sa ulat, nakumpiska mula kay Olvido ang sachet ng shabu na nagkakahalaga ng P85,000, maging ang marked money na P500.

Matatandaang noong Mayo ng nakaraang taon naaresto na si Olvido sa pagbebenta ng ilegal na droga.

Pinalaya lang si Olvido dahil sa bargaining agreement.

Sumikat si Olvido sa Pilipinas Got Talent dahil sa kanyang nakakatawang vape tricks.

Matapos ito, lumabas pa siya sa ilang TV show, kabilang na ang ‘Ang Probinsyano.’