P6 DAGDAG-PASAHE SA JEEP INIHIRIT NG TRANSPORT GROUP

SINABI ng Land Transportation Franchising and Regulatory Board (LTFRB) na hindi pa nila matiyak kung magpapatupad ng taas-pasahe matapos ang sunod-sunod na oil price increase.

Pahayag ito ni LTFRB Chairperson Martin Delgra sa kabila ng paghahain ng petisyon ng ilang jeepney operator para sa dagdag P6 na pasahe.

Ayon kay Delgra, iniiwasan ng Department of Transportation (DOT) na ipasa sa mga commuters ang nasabing hiling na kasalukuyan pa nilang dinidinig.

Matatandaang noong Martes ay inilarga ng mga kumpanya ng langis ang ika-anim na sunod na linggong dagdag presyo sa kanilang mga produkto.