Impostor ni Mayor Rex, umoorder ng bultuhan

Nagbabala si Valenzuela City Mayor Rex Gatchalian sa mga may negosyong pagkain sa kanyang nasasakupan dahil sa may impostor umanong nagpapanggap na siya at kumukuha ng bulk orders.

“Para sa mga food sellers at restaurant owners sa Valenzuela City, mag-ingat sa sinumang nagpapanggap bilang si Mayor Rex at umoorder ng mga pagkain o bulk orders,” anang alkalde.

Dagdag pa ni Gatchalian, kung makatatanggap ng kahinahinalang tawag, tiyakin muna ito sa kanyang tanggapan sa numerong 8352-1000 loc. 1142/1144.