Regine naka-quarantine, na-exposed sa may Covid-19, Valentine concert kanselado

IPINAHAYAG ng ABS-CBN Events and IME regret na hindi na matutuloy ang “Freedom: Regine Velasquez-Alcasid Digital Concert,” na dapat ay nakaiskedyul sa February 14.

Napag-alaman na na-exposed si Regine sa isang taong positive sa COVID-19 kaya ngayon ay naka-quarantine na.

Kasabay nito ay humihingi ng paumanhin ang mga nasa likod ng concert sa pangyayari.

Lahat anya ng mga bumili ng tiket ay tatanggapin sa bagong iskedyul ng “Freedom” concert na ihahayag sa lalong madaling panahon. (Showbizteam)

Ang kalusugan at kaligtasan ng artist at staff ang pangunahing prayoridad ng management at nagpapasalamat sila sa suporta at pang-unawa ng lahat.