2 purok leader, binaril ng tandem: 1 patay, 1 sugatan

DEAD ON THE SPOT ang isang purok leader at sugatan ang kasamahan nito nang pagbabarilin ng apat na lalaki na sakay ng 2 motorsiklo sa Barangay Batasan Hills, Quezon City nitong Miyerkules.
Kinilala ang napatay na si Nicanor Perez, 52-anyos; habang sugatan ang kasamahan niya na si George Dagopioso na isa ring purok leader sa lugar.
Sa ulat, nag-uusap ang dalawang biktima sa kanto ng Kalayaan B Street at Kaibigan Street nang pagbabarilin ng dalawang riding-in-tandem 10:00 ng gabi.
Patuloy pang iniimbestigahan ang posibleng motibo sa likod ng pamamaril. Isa sa tinitingnang anggulo ng pulisya ang posibilidad na may mga nakaaway ang dalawa dahil sa pagiging purok leader.(Boy Celario)