Motor tinumbok ng trak: Mag-asawa lumipad, misis patay

NASAWI ang isang misis na nakaangkas sa motorsiklo ng mister nang tumbukin sila sa likuran ng kasunod na trak habang bumabagtas sa kahabaan ng A. Soriano hi-way sa Barangay Timalan Balsahan, Naic, Cavite .
Kinilala ang biktima na si Evelyn Mata, 50, habang kasalukuyan namang inoobserbahan ang mister nitong si Edilberto Mata, 50, kapwa residente ng PH 3-A Ciudad Nuevo Subd., Brgy. Timalan Balsahan, Naic.
Nakakulong na ang driver ng trak na si Emmanuel Miranda, 46, residente ng #90 Majada out, Calamba, Laguna.
Sa ulat, 10:00 ng umaga nang maganap ang insidente. Sakay ang mag-asawa ng Suzuki Sky Drive at bumabagtas sa nasabing lugar nang tumbukin ito ng kasunod na Isuzu NHR Truck na may plate # WQQ 588.
Sa lakas ng pagkakatumbok ay kapwa tumilapon ang mag-asawa, dahilan upang mapuruhan ang misis. (Irine Gascon)