3 NPA patay sa bakbakan sa SulKud

PATAY ang tatlong miyembro ng New People Army (NPA) sa operasyon militar sa Sultan Kudarat.
Ayon kay Lt Gen. Corleto Vinluan Jr., naglunsad ng air at ground operation ang Joint Task Force Central laban sa grupo ni Emmanuel Fernandez alias Bobo/Ampog/Aldok, secretary at lider ng Regional Operational Command (ROC), Far South Mindanao Region sa Barangay Namat Masla, Palimbang, Sultan Kudarat.
Sa report ni JTF Central Commander Maj. Gen. Juvymax Uy, mahigit kumulang sa 100 makeshift hut at 3 bangkay ng rebelde, 2 high powered firearms, 2 improvised explosive devices at 2 generators ang narekober ng mga sundalo.
Sa report, patuloy parin inaalam kung kabilang sa nasawi si Emmanuel Fernandez at Dennis Dolonan, a.k.a. MacMac.
Kinumpirma na ang lugar ang pagdadausan sana ng 52nd Founding Anniversary ng CPP/NPA.(Mark Obleada)